Kieliversiot 2 min

Sääʹmǩiõllsaž kääzzkõõzz oođâsǩeʹrjj äʹššniiʹǩǩid da õhttsažtuâjjkuõiʹmid

Ǩeäʹsse-a Kela sääʹmǩiõllsaž kääzzkõõzz tuu miõl? Reâuǥak-a sääʹmǩiõllsai soti-kääzzkõõzzivuiʹm? Kela sääʹmǩiõllsai kääzzkõõzzi oođâsǩeeʹrjest vuäǯǯak ääiʹjpoddsaž teâđ da viiŋkid Kela äʹššummša säämas

Teʹkstt Arja Jomppanen, Snimldõk Kela 27.9.2020
""

Lue teksti suomeksi
Loga teavstta davvisámegillii
Luuvâ mainâs anarâškielân

Mõõn diõtt kaʹnnat tiʹllʼjed sääʹmǩiõllsaž kääzzkõõzz oođâsǩeeʹrj?

Sääʹmǩiõllsaž kääzzkõõzz oođâsǩeʹrjj vieʹǩǩat tuu kaunnâd sääʹmǩiõllsaž kääzzkõõzz kanaaʹlid da Kela taʹrjjeem sääʹmǩiõllsaž materiaalid.  Ko tiʹllʼjak oođâsǩeeʹrj, vuäǯǯak õʹhtte norrum ođđsid, viiŋkid da materiaalid vuõiʹǧǧest tuu neʹttpååšta.

  1. Kela sääʹmǩiõllsaž kääzzkõõzz oođâsǩeeʹrjest
    • tobdstõõđât sääʹmǩiõllsaž äʹššummša Kelast
    • peäggtet Kela tuärjjõõzzi da tõi muttsi pirr sääʹmǩiõlivuiʹm
    • vääʹldet lokku jeäʹrben sääʹmǩiõllsai jiijjâs ǩiõllvuâđđsaž ouddõõzzid
    • viʹŋǩǩeed sääʹmǩiõllsain materiaalin, mâʹte brosyyri da lomaakki pirr
  1. Sääʹmǩiõllsaž kääzzkõõzz oođâsǩeʹrjj lij jurddum
    • sosiaal- da tiõrvâsvuõttsueʹrj ämmatniiʹǩǩid, kook kaaunâʹtte reâuǥstes sääʹmǩiõllsaž äʹššniiʹǩǩivuiʹm
    • Kela kääzzkõõzzin peʹrsteei sääʹmǩiõllsaž äʹššniiʹǩǩid
    • sääʹmǩiõllsaž õhttõõzzid da reâuggõutstõõzzid
  1. Sääʹmǩiõllsaž kääzzkõõzz oođâsǩeʹrjj lij määŋgǩiõllsaž. Tõt âânn seʹst ođđsid da viiŋkid
    • lääddas
    • tâʹvv-, aanar- da nuõrttsäämas
  1. Sääʹmǩiõllsaž kääzzkõõzz oođâsǩeʹrjj iʹlmstââvv 3–4 vuâra eeʹjjest.

Tiʹlle Kela sääʹmǩiõllsaž kääzzkõõzz oođâsǩeeʹrj da jeeʹres Kela oođâsǩiiʹrjid addrõõzzâst kela.fi/uutiskirjeet (lääddas). Tobdstõõđ še Kela oođâsǩiiʹrji addrõsrekisteeʹr teâttsuâjjčiõlǥtõʹsse (lääddas).

Kaaunak teâđ Kela sääʹmǩiõllsaž kääzzkõõzzi pirr addrõõzzâst kela.fi/saame.

Kaaunak puk Kela sääʹmǩiõllsaž brosyyrid addrõõzzâst kela.fi/saamenkieliset-esitteet.