Kieliversiot 1 min

Sámegielat bálvalusa ođasreive áššehasaide ja ovttasbargoguimmiide

Leatgo beroštuvvan Kela sámegielat bálvalusain? Barggatgo sámegielat sode-bálvalusaid olis? Kela sámegielat bálvalusaid ođasreivves oaččut áigeguovdilis dieđuid ja tipsaid Kela-áššiid dikšumii sámegillii.

Teaksta Arja Jomppanen, Govva Kela 27.9.2020
""

Lue teksti suomeksi
Luuvâ mainâs anarâškielân
Looǥǥ mainnâz nuõrttsääʹmǩiõʹlle

Manin sámegielat bálvalusa ođasreive lea diŋgon veara?

Sámegielat bálvalusa ođasreive veahkeha du gávdnat Kela sámegielat bálvalusa kanálaid ja Kela fállan sámegielat materiálaid. Go diŋgot ođasreivve, oaččut njuolga šleađgapoastasat ođđasiid, tipsaid ja materiálaid, mat leat čohkkejuvvon oktii.

  1. Sámegielat bálvalusa ođasreivves
    • oahpásmuvvo sámegielat áššiiddikšumii Kelas
    • muitaluvvo Kela doarjagiin ja daid rievdadusain juohke sámegillii
    • vuhtiiváldojuvvojit earenoamážit sámegielagiid iežaset ovddut, mat vuođđuduvvet gillii
    • cavgiluvvo sámegielat materiálain, degomat brošyrain ja skoviin.
  1. Sámegielat bálvalusa ođasreive lea oaivvilduvvon
    • sosiála- ja dearvvašvuođasuorggi ámmátolbmuide, geat deaividit barggusteaset sámegielat áššehasaid
    • Kela bálvalusain beroštuvvan sámegielat áššehasaide
    • sámegielat servviide ja bargoservošiidda.
  1. Sámegielat bálvalusa ođasreive lea máŋggagielat. Dat sisttisdoallá ođđasiid ja tipsaid
    • suomagillii
    • davvi-, anáraš- ja nuortalašgillii.
  1. Sámegielat bálvalusa ođasreive almmustuvvá 3-4 geardde jagis.

Diŋgo Kela sámegielat bálvalusa ođasreivve ja Kela eará ođasreivviid čujuhusas kela.fi/uutiskirjeet (suomagillii). Oahpásmuva maiddái Kela ođasreivviid čujuhusregistara diehtosuodječilgehussii (suomagillii).

Gávnnat dieđuid Kela sámegielat bálvalusain čujuhusas kela.fi/saame.

Gávnnat buot Kela sámegielat brošyraid čujuhusas kela.fi/saamenkieliset-esitteet.