Dárkkis, gusketgo nuppástusat Kela ovdduin dutnje
- Ealáhatolbmot. Álbmotealáhaga dievas mearri stuorru 34 e/mb ja dáhkádusealáhaga dievas mearri 50 e/mb. Dievas álbmotealáhat okto ássi olbmuide lea 1.1.2020 rájes 662,86 e/mb ja dáhkádusealáhat 834,52 e/mb. Kela dárkkista ealáhagaid euromeriid sierra ohcamuša haga. Loga lasi ealáhatolbmuid ovdduid nuppástusain (suomagillii).
- Guhkesáigge buohccit. Dálkkasgoasttádusaid jahkeiežasvástu (ng. dálkkasgáhttu) stuorru 5,66 euro. Jagis 2020 dat lea 577,66 e/kaleanddarjahki. Diehtu dálkkasgáhtu dievvamis sirdása njuolga Kelas apotehkii 1.1.2020 rájes. Áššehas ii šat dárbbaš ohcat Kelas lassebuhtadusa dálkkasgáhtu badjelmannan oasttus, go son oažžu buhtadusa dalán apoteahkas. Buohcuvuođabeaiveruđa sihke veajuiduhttin- ja sierradikšunruđa unnimusmearit sturrot 1,08 e/bv. Loga lasi buohcuvuođaáigge ja veajuiduhttima doarjagiid nuppástusain (suomagillii).
- Bargguhis olbmot. Aktiivamálles luobahuvvo 1.1.2020. Kela ja bargguhisvuođakássat eai šat čuovo bargguhis olbmo aktiivvalašvuođa eaige unnit bargguhisvuođaovddu. Vuođđobeaiveruđa ja bargomárkandoarjaga mearit sturrot 1,26 e/bv. Ođđa mearri lea 33,66 e/bv. Loga lasi bargguhis olbmuid ovdduid nuppástusain (suomagillii).
- Mánnábearrašat. Mánnáruđa mearri njealját ja dađe čuovvovaš mánás stuorru 10 e/mb. Maiddái oktofuolaheaddjibajádus stuorru. Ođđa mearri lea 63,30 e/mb. Etniid-, áhčiid- ja vánhemiidbeaiveruđa sihke sierraetniidruđa unnimusmearri stuorru. Ođđa mearri lea 28,94 e/bv. Loga lasi mánnábearrašiid ovdduid nuppástusain (suomagillii).
- Stuđeanttat. Oahpporuđa fuolaheaddjibajádus stuorru 25 euroin. Fuolaheaddjibajádus lea 100 e/mb ođđajagimánu 2020 rájes. Oahppodoarjaga eaktodáhtolaš máhcahemiid mearreáigi oatnu ovttain mánotbajiin. Doarjjajagi 2019 máhcaheamit galget máksojuvvot maŋemustá 30.4.2020. Loga lasi stuđeanttaid ovdduid nuppástusain (suomagillii).
- Nuppástus beaiveruđaid mearrideapmái. Jagi 2020 álggu rájes vánhemiidbeaiveruđat, buohcuvuođabeaiveruhta ja veajuiduhttinruhta mearriduvvojit jahkeboađuid vuođul. Jahkeboađut rehkenastojuvvojit dan 12 kaleanddarmánotbaji dárkkistanbajis, mii lea ovdal dan mánotbaji, goas vuoigatvuohta beaiveruhtii álgá. Dárkkistanbaji ja beaiveruđa álgima gaskii báhcá dalle 1 mánotbadji. Loga lasi nuppástusain beaiveruđain (suomagillii).
