Kieliversiot 2 min

Návt Kela ovdâdâsah muttojeh ive 2020

Ive aalgâst puátih vuáimán tagareh lahânubástusah, moh vaigutteh meiddei Kela ovdâdâssáid. Luuvâ täst, maht iäláttâhulmui, kuhesáigásávt pyeccei, pargottes ulmui, pärniperrui já uáppei torjuuh muttojeh.

""

Täärhist, kyeskih-uv Kela ovdâdâsnubástusah tunjin

  1. Iäláttâhulmuuh. Aalmugiäláttuv tievâs meeri stuáru 34 e/mp já táhádâsiäláttuv tievâs meeri 50 e/mp. Tievâs aalmugiäláttâh ohtuu ässee ulmuid lii 1.1.2020 rääjist 662,86 e/mp já táhádâsiäláttâh 834,52 e/mp. Kela täärhist iäláttuvâi euromeerijd sierâ ucâmušttáá. Luuvâ lase iäláttâhulmui ovdâdâsâin (suomâkielân).
  2. Kuhesáigásávt pyecceeh. Talhâskoloi ihejiešvástádâs (nk. talhâskáttu) stuáru 5,66 euro. Ive 2020 tot lii 577,66 e/kalenderihe. Tiätu talhâskáátu tievâmist sirdašuvá njuolgist Kelast apteekijd 1.1.2020 rääjist. Äššigâs ij taarbâš innig uuccâđ Kelast lasesajanmáávsu uástusist mon summe mana talhâskáátu paijeel, pic sajanmáksu máksoo njuolgist apteekist. Puoccâmpeiviruuđâ já vajoidittem- já eromâštipšomruuđâ ucemuuh meerih stuáruh 1,08 e/pv. Luuvâ lase puoccâmääigi já vajoidittem torjuin (suomâkielân).
  3. Pargottes ulmuuh. Aktiivmaalist lyepih 1.1.2020. Kela já pargottesvuotâkaasah iä innig čuávu pargottes ulmuu aktiivlâšvuođâ iäge ucceed pargottesvuotâovdâdâs. Vuáđupeiviruuđâ já pargomarkkântorjuu meeri stuáru 1,26 e/pv. Uđđâ meeri lii 33,66 e/pv. Luuvâ lase pargottes ulmui ovdâdâsâin (suomâkielân).
  4. Pärniperruuh. Pärnilase meeri niäljád já tađe čuávuváá päärnist stuáru 10e/mp. Meiddei ohtuuhuolâtteijeelase stuáru. Uđđâ meeri lii 63,30 e/mp. Eenivuođâ-, eečivuotâ- já vaanhimijpeiviruuđâ sehe eromâšeenivuođâruuđâ ucemus meeri stuáru. Uđđâ meeri lii 28,94 e/pv. Luuvâ lase pärniperrui ovdâdâsâin (suomâkielân).
  5. Uáppeeh. Uáppuruuđâ huolâtteijeelase stuáru 25 euroin. Huolâtteijeelase lii 100 e/mp uđđâivemáánu 2020 rääjist. Uápputorjuu rijjâtátulii maacâtmij meriäigi uánnán ovttáin mánuppoojijn. Toorjâive 2019 maacâtmijd kalga mäksiđ majemustáá 30.4.2020. Luuvâ lase uáppei ovdâdâsâin (suomâkielân).
  6. Nubástus peiviruuđâi miäruštâlmân. Ive 2020 aalgâst vaanhimijpeiviruuđah, puoccâmpeiviruuđah já vajoidittemruttâ miäruštâllojeh ihepuáđui vuáđuld. Ihepuáđuh rekinistojeh ton 12 mánuppaje tarkkumpaajeest, mii lii oovtâ mánuppaje ovdil peiviruttâvuoigâdvuođâ älgim. Tarkkumpaje já peiviruuđâ älgimääigi kooskân páácá tibi 1 mánuppaje. Luuvâ lase peiviruttânubástusâst (suomâkielân).

Luuvâ teevstâ suomâkielân

Luuvâ teevstâ tavesämikielân

Luuvâ teevstâ nuorttâlâškielân

Aihesanatsaame