Gå till innehåll

Návt Kela hiäđuh nubástuveh ive 2021

Kieliversiot | 7.1.2021
Ive aalgâst puátih vuáimán lahânubástusah, moh vaigutteh meid Kela hiäđoid. Luuvâ täst, ete maht uáppei, pargottemij, kuhesáigásâšpyeccei, iäláttâhlij já páárnášperrui torjuuh nubástuveh.
Lyssna på artikeln
""

Täärhist, ete kyeskih-uv Kela hiätunubástusah tunjin

  1. Ollâškovlâuáppei uđđâ tiervâsvuođâtipšomáksu. Ollâškovlâuáppeeh mäksih tiervâsvuođâtipšomáávsu Kelan vuossâmuu tove kiđđâluuhâmpaje 2021. Tiervâsvuođâtipšomáávsu meeri lii 35,80 eurod luuhâmpaajeest ive 2021. Uáppei ij vuolgâttuu reekkig, peic uáppee kalga mäksiđ máávsu jiešráđálávt Kela ášástâllâmpalvâlusâst. Luuvâ lase tiervâsvuođâtipšomáávsust.
  2. Ollâškovlâuáppei purrâmuštoorjâ aleduvvoo 0,36 euro. Toorjâ lii 2,30 euro purrâmuš kuáttá. Uáppei torjuid puátih nubástusah meid korona tiet. Ovdâmerkkân uáppulovnâpuáráttâs tâi uáppulovnâkepidem vuoigâdvuođâ meriääigi puáhtá juátkiđ 0,5 luuhâmpaje, jis valmâštum čohčuv ááiján koronaepidemia tiet. Meid škovlâmätkitorjuu iävtuh nubástuveh koskâpuddâsávt. Luuvâ lase uáppei hiäđuin.
  3. Pargottemeh. Uási pargottesvuođâtoorvon rahtum koronaspiekâstmijn juátkoo 31.3.2021 räi. Ovdâmerkkân pargottesvuođâhiäđu syejiuási lii aledum 500 euron já varrimtorjuu iävtuh láá älkkeedittum.
    Toos lasseen irâtteijeeh pyehtih finniđ njuhčâmáánu loopâ räi pargomarkkântorjuu, jis irâttâstoimâ lii táppám koronaepidemia tiet. Vuáđupeiviruuđâ já pargomarkkântorjuu mereh aleduvvojeh 12 snt/pv. Uđđâ meeri lii 33,78 e/pv. Luuvâ lase pargottemij hiäđuin.
  4. Kuhesáigásâšpyecceeh. Talhâskoloi ihejiešvástádâs (nk. talhâskáttu) stuáru 2,12 euro. Ive 2021 tot lii 579,78 e/kalenderihe. Puoccâmpeiviruuđâ sehe vajoidittem- já sierânâstipšoruuđâ ucemusmereh aleduvvojeh 11 snt/pv. Pargovaibâm teikâ uáđđimapnea pyecceid uárnejuvvoo uđđâlágán vajoidittem. Meid nuoráid, kiäin lii kavnâttum Asperger, ADHD teikâ ADD, lii fáállun uđđâ vajoidittempalvâlus. Luuvâ lase puoccâmääigi ja vajoidittem torjuin.
  5. Iäláttâhliih. Aalmugiäláttâhân já táhádâsiäláttâhân puátá 0,4 % indeksaledem. Tievâs aalmugiäláttâh ohtuunis ässei lii 1.1.2021 rääjist 665,29 e/mp já táhádâsiäláttâh 837,59 e/mp. Kela täärhist iäláttuvâi euromere sierâ ucâmušttáá. Luuvâ lase iäláttâhlij hiäđuin.
  6. Pärnilaseh já toid lohtâseijee ohtuuhuolâtteijeealedem siäiluh siämmážin. Enij-, eči- já vaanhimijpeiviruuđâ sehe sierânâsenijruuđâ ucemusmeeri stuáru váhá. Uđđâ meeri lii 29,05 e/pv. Luuvâ lase páárnášperrui hiäđuin.
  7. Hiätu- já iäláttâhtiäđuh puáđuregisterân. Ive 2021 aalgâ rääjist Kela almoot puáđuregisterân tiäđuid maksum hiäđuin já iäláttuvâin. Puátu-uážžoo puáhtá tärhistiđ puáđuregister šleđgâlii ášástâllâmpalvâlusâst ääigitásásijd tiäđuid jieijâs pälkki-, iäláttâh- já hiätupuáđuin. Luuvâ lase puáđuregisterist (suomâkielân).
  • Vad vill du läsa om?

    Föreslå idéer om artiklar till redaktionen för mittiallt.fi.